திருநெல்வேலி: நெல்லை டவுனில் டாஸ்மாக் மதுபான கடைகளுக்கு தமுமுக எதிர்ப்பு தெரிவித்துள்ளது.நெல்லை கலெக்டர் அலுவலகத்தில் நேற்று மக்கள் குறை தீர்க்கும் நாள் கூட்டம் நடந்தது. இதில் தமுமுக நெல்லை மாவட்ட செயலாளர் உஸ்மான் கான் மற்றும் பலர் அளித்த மனுவில் தெரிவித்துள்ளதாவது:
நெல்லை டவுன் நெல்லையப்பர் கோயில் வடக்கு வாசலில் இருந்து சுமார் 30 மீ தொலைவில் டாஸ்மாக் மதுபான கடை உள்ளது. கடந்த ஆண்டு நான்கு ரத வீதிகளிலும் டாஸ்மாக் மதுபான கடைகள் அகற்றப்பட்டும் இந்த கடை மட்டும் அகற்றப்படவில்லை. வடக்கு ரத வீதியில் உள்ள கடையை அகற்றவும் பல முறை கோரிக்கை விடுக்கப்பட்டும் எந்தவித நடவடிக்கையும் எடுக்கப்படவில்லை. இதனால் பொதுமக்கள் மிகவும் பாதிப்பு அடைகின்றனர். இதுதொடர்பாக உரிய நடவடிக்கை எடுக்க வேண்டும்.இவ்வாறு அந்த மனுவில் தெரிவிக்கப்பட்டுள்ளது.
No comments :
Post a Comment